Árangur viðskiptavina skiptir okkur höfuðmáli. Mottumarsherferðin okkar árið 2020 vakti verðskuldaða athygli þar sem sjálfur Laddi fór fyrir fríðum flokki karla sem hvöttu kynbræður sína til að hreyfa sig reglulega. Ekki nóg með það heldur skilaði herferðin 17% aukningu í sölu á sokkum frá fyrri árum en alls seldust um 33.000 sokkapör sem er nýtt met — og það í miðju COVID 19 fárviðri. Við þökkum landsmönnum fyrir að bregðast svona hraustlega við átakinu og óskum Krabbameinsfélaginu til hamingju með árangurinn.